SORATSORATRA... (RRAG)

Mbola tsisy niantsa

Hangataka antsa
(Nalaina tao amin'ny vetso.serasera.org)
SORATSORATRA...
Nitakoko niandry lera,
namerimberin-tsiaro.
Ny vetsovetso ‘zay tavela,
dia toa fohazin'ny kalo.

Dia noraisina ny penina,
nanoratsoratra ny tena.
Ka nofongarina ireo lalina,
nampitraka nampianjera.

Nirotsaka tsy satry koa,
ny ranomasom-po tavela.
Hontsa loatra izany fo,
ka narafitra ho litera.

Litera hiravina ho tonony,
ho tsiahy ny fahiny.
Hampiantsa irony molony,
hampatsiahy ahy 'lay tiany.

Ka soratsoratra no ainga,
handaniana izato ora.
Tena izy fa tsy lainga,
no nokaloina moramora.
RRAG
16 Febroary 2018
--------
Rohy:
382 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0178