TENY IRAY FOTSINY... - RRAG

Azo vakiana?

TENY IRAY FOTSINY...
Mandravaravan'ny efa ny setran'alahelo
mifikitra tsy miala anaty velon-tsento...
Injany fa miahy mafy, ny rivo-mihelohelon’
ny nisy sy tsy vita ka zary kalom-betso!

Mihiaka ny fanahy, mitroatra mafy hiady!
Kanefa raha ny fo dia nilavo ho resy sahady!

Manoto an-tandro-mongo, ny lasa sy ny etsetrany,
fa teo ny mamy nisy, mangidy voatelina!
Oviana anefa ireny, vao mety hisy fetrany,
sa rehefa tsisy intsony, ny iavahan'ny velona?

Teny toka-monja anefa dia mamafa
ny sento sy ny embona, notahirizin-dasa!

Litera atambatambatra ho teny iray fotsiny,
dia mampitony saina, an'ora maromaro...
Teny feno angola, miary irony rotsiny,
no nifandrimbon-ko ainga, nandrafi-tononkalo...

Fa teo ny nisantarana, ny safon'ny aingam-penina...
Nanombo-namafàna, ny soritry ny nenina!
RRAG
03 Oktôbra 2021

Mombamomba

Mpanoratra : RRAG

Nampiditra : RRAG
Daty : 04/10/2021
Mpamangy : 188
Mankafy : 0

Tononkalo hafa

NY FIANTOMBOHAN’NY FARANY…!
MISY TSY MISY…!
TOA TEO AVOKOA…
ETRE UN HOMME
NY ENY SY NY TSIA...!
AIZA 'LAY TSIKY?
MANGIDY MATSATSO MANGEROKA...
ANDAO HANDRAMANA...
SAMBATRA HONO…
NY TOKY FITAKA...