TSAROANAO VE? (RRAG)

TSAROANAO VE?
Efa elaela ihany,
ny nandaozanao ny foko.
Toa tsaroako eto izany,
na dia efa nohadinoiko.

Mba tsaroanao ve,
‘lay ‘sika roa niara-dia ?
Tsy nisy fatotra namehy,
ankoatr’ilay fitia.

Tsaroanao ve,
ireny isika roa mivetso?
Saingy indrisy,
f’izaho anio velon-tsento,
mahatsiaro,
ireo dingana naleha!
Ny lala-maro,
feno raozy be dia be.

Tsaroanao ve,
izaho namihina anao?
Nangina kely,
dia avy eo ‘ndray nitalaho,
hoe: “Tiako,
tena tiako raha ianao”.

Tsaroanao ve ireny,
sa efa hadino avokoa?
Ny ahy atỳ toa tsianjery,
nefa tady handràtra fo.
Tsaroanao ve ireny,
sa lavenona avokoa?
Satria ianao toa tsy miteny,
toy ny olona efa voa.
RRAG
11 Jona 2012
--------