TSY AFAKA... (RRAG)
Mbola tsisy niantsa
(Nalaina tao amin'ny vetso.serasera.org)
TSY AFAKA...Vono olona, latsak’aina,
io no sanda, sandam-pahafahana,
vidin-tolona, tsy noneram-bola,
fa natakalo, natakalo fihavanana!
Vono olona, latsak’aina,
tsy nanova inona, fa vao mainka nanageja,
nanamafy fototr’ireo fefy, sy namato-maty ny tady,
handripahana ny Gasy, sy ireo nitarik’ady!
Vono olona, latsak’aina,
tifitifi-tsy ankijanona, tsy nanam-piafarana.
Fandotoan-tsaina, hanohitra firaisankina,
izay soatoavin’ny Gasy, tena manan-jina!
Vono olona, latsak’aina,
Noheverina hanafaka, hampilamin-tsaina,
Kinanjo, nampioko fahavalo, handripaka ny Gasy.
Dia ‘lay Malagasikely, an-tanam-polo tsisy basy!
Vono olona, latsak’aina,
rà nalatsa-pahavalo, tsy nasiany hasina.
Nohitsahiny ‘reo sata, velirano masina,
natsangam-pirenena, ho satan-tanindrazana!
RRAG
Mey 2009
--------
Rohy:
