‘TY HADALANTSIKA… (RRAG)

‘TY HADALANTSIKA…
Nentinao ‘ty ‘zaho,
nentinao niroso,
tan’efitranonao!
Dia maika ery nandroso,
hamihina anao,
hitady ny orokao.

Namihina ahy ianao,
namihina ahy mafy,
ka tsy hitako ny atao,
fa satriko aza koa,
nahitanao niantsampy,
namboraka tam-po,
ny fitiavanao!
‘Zay mbola velona ao,
am-ponao ao,
hatramin’izay ka hatramin’izao.

Naronjinao ‘ty ‘zaho,
hianjera am-parafara.
Nopihinao ny jiro,
sao hisy hazavana,
hanimba ny hafanana,
hanala ny tsiro,
entin-kadalana.

Nesorinao ny akanjoko!
Ny anao koa nalànao!
Tsy izany no tanjoko,
fa ny ho eo anilanao.
Ka nailiko ianao,
dia niangaviako hiala.
Ny vokatr’izao,
tsy misy mahalala.
Ka aleo hajanona eo,
‘zay zavatra niseho.
Soa fa tsy vita,
‘ty hadalantsika.
RRAG
Jolay 2012
--------