You are here: home > Vetso

MATOKIA - SANDRATRA

Azo vakiana?

Na ho vy na ho vato
na ho na ho afo
dia matokia ry malala
fa ny fitiavako tsy hiala

Na ho tsiky na tomany
na ny ngidy na ny mamy
matokia ary aza miahiahy
f'ianao no efa ahy

ka n'inona n'inona mitranga
noho ny atraky ny tany
matokia fa ny fitiavako tsy ho banga
fa hitombo hatrany hatrany

Ka ny toky izay nomeko
fony tany am-piandohana
dia hinoako sy ekeko
fa tsy azo n'iza ho rarana

tiako ianao,tena tiako
tsy arira na angano
fa hany lalaiko sy faniriako
ny haka anao ho tokan-trano

Kany tanjona kendrena
sy tiako haraikitra ho tantara
dia ilay mariazy volamena
eo ambon'ny altara

hifanolotra peratra
hifanaiky  ho mpivady
ka hiaraka hiteraka
zazalahy sy zazavavy
hitambatra ho iray
ho iray mandrakizay

Sokajy : Fitiavana

Hametraka hevitra

Midira aloha