You are here: home > Vetso

Aiza no misy - ...Tsoa

Azo vakiana?

AIZA NO MI SY



                     Izaho mino marimarina
                     Fa any ho any izao misy,
                     Miezaka ny hiarina
                     tsy te- hiteny hoe indrisy.

                     Dia misy koa any ho any
                     Fo leo ny mitomany;
                      Fa nilaozan’olon-tiana
                     ka mitady fitsikiana.

                     Maninona raha mihaona !
                     Kanefa aiza ny fotoana ?

    Aiza no misy ilay toeram-pahazavàna ?
     Lavitry ny fisentoana sy fahadisoam- panantenana !
    Aiza no misy ilay zaridainam-pifaliana ?
    Hanjakan’ny fitia sy tsy  haniriam-pahoriana !

                     Tapak’hevitra aho fa ho any,
                     Sao mba hitanao ny lalana mankany ?





                                                                       …Tsoa,
                                                       20 oct 2004,Cachan. Fce

Sokajy : ahy, manokana

Hevitra mandeha

Malalason (14/01/2005 09:21:21)

Voasoratrao ny Tanatara iainako ka dia ho any aho nefa, hmh ny lalana mankany aza tsy hitako akory dia aleoko mionona miandry ny rariny ty foko feno ratra
Malalason

NyKanto (14/01/2005 15:23:05)

Setriny : Ny Làlana Mankany

Mila kirim-paherezana iny lalana iny
Rako-tsilo sy mideza ka ialako tsiny
Nefa d’iny làlana iny, no tokana mankany
Amin’ilay tanàna tsy mba misy mitomany

Feno mpanakora any amoron-dàlana any
Sy mpamingana ary koa ireo mpanasohaso
Nefa d’iny làlana iny, no tokana mankany
Amin’ilay tanàna tsy mba misy ranomaso

Tsy mikodàna na malalaka iny làlana iny
Tsy làla-maitso lalandava fa tany efi-
Fa ety sady tery, ahatsiarova-manirery
Rakotra hevitra hampiato ary koa hamery

Tsy ho vitanao irery, f’ilàna fanampiana
Ny mamakivaky ireo saham-pahoriana
Tadiavo sy fantaro fa ho hitanao an-dalana
Ilay Namanao nilaza hoe: „Izaho no tena làlana ...”

Koa soava dia sy mahereza rahalahy
Ny finoana hazony hankahery ny fanahy
Tsy lavitra ny dia, tsy ho mafy ireo zioga
Ho avy ny hafaliana rehefa tena tonga.

Ny Kanto, Parisy, desambra 2004

NyKanto (14/01/2005 15:24:19)

janoary 2005 fa tsy desambra 2004

Malalason (15/01/2005 13:06:46)

andray zany hafaliako nahazo teny fampaherezana tsisy mampionona aza mionona mainka fa misy mpampionona saotr'e !
Malalason

vetsoko (15/01/2005 23:05:46)

misaotra an'i malalason mba ho namako @ iny lalana iny,dia fisaorana koa ho an'i Ny Kanto nanoro ahy ilay lalana

Miarantsoa (27/01/2005 19:06:31)

Ny ahy indray ry Malalason dia hoe :
misy mampionona aza tsy mionona
Mainka fa tsisy mpampionona ?

kalointsika (30/06/2008 11:01:06)

tu as vraiment parlé en connaissance de cause en ces temps là. tu avais raison. c'est bien

vetsoko (30/06/2008 13:42:05)

tu vois!je t'ai pas oublié,for kalointsika

Hametraka hevitra

Midira aloha