You are here: home > Vetso

TIAKO IANAO - ...Tsoa

Azo vakiana?

Asa angamba vao manoratra
Ireto tanako manolatra
Dia efa fantatrao fohy fohy
Ny holazaiko ka henoy

Aoka anefa ianao tsy alahelo
Na ho tezitra sy hamelovelo
Raha toa ka adalako
Ny hiteny tsy hiato

Fa raha toa ianao kiriana
Dia ity tononkaloko aza ariana
Fa ity teniko androany
No teny tena mamy

Ka mety ho roa ny valin-teny
Hamaly tsia ianao na eny
Saino tsara fa aza taitra
Fa ny foko tsy mba maika

Raha ho tsia no hitanao
Dia tsy mampaninona f’izao
Aza adino fa ny foko
Dia hofaty hitoloko

Raha ho eny kosa indray
Dia tsoriko mandrakizay
Fa izay no tena ilaiko
Dia ho sambatra ny aiko

Fa izao tsy handidy
Na ho mamy na ho mangidy
No hatohoko ny vavako
Mba ho setry ny fitiavako

Ary izao no tadidio
F’izaho dia miandry anao foana
Nefa kosa mba valio
Satria, tena tiako ianao

Jean Claude 09.10.87
Anjanahary

Hevitra mandeha

R.T.J (20/04/2015 15:29:57)

fa tsara le T ononkalonao an

Hametraka hevitra

Midira aloha

Mombamomba

Mpanoratra : ...Tsoa

Nampiditra : mamios
Daty : 21/02/2011
Mpamangy : 5085
Mankafy : 3

Tononkalo hafa

Taratry ny omaly
MBA LAZAO
AZA KIVY
FITIA TSY TANTERAKA
telo taona sahady
ASA...!
Hoentina aiza ???
Fiononako
Hafatra
Antony