SAMBATRA IANAO (Vanjanofy)

Sambatra ianao fa mahay mody tia
sy mitsiky anoloanan’ny manina anao
sambatra ianao fa tsy raiki-pitia
tamin’ny endrika kanto sy toky fanao!



Sambatra ianao fa toa maro mpaniry
kanefa tsy tia hafa tsy olona iray
sambatra loatra fa nety nikiry
ny hifampitantana mandrakizay !



Sambatra ianao f’efa manan-kotiavina
ka afa-miangola mamboraka hanta
f’izaho ‘zany kosa raha misy tadiavina
mionona irery fa tsy afa-mitafa !



Sambatra ianao fa tsy nety voarebin’
ireo rendrarendran’izao tany izao
sambatra ianao fa nataonao kinendry
ny ho tia sy hotiavin’ny malalanao !
--------