RY FOKO MAHANTRA (Dogme Razafy)
Pas encore lu
(Nalaina tao amin'ny vetso.serasera.org)
Ry foko mahantraMangina ry foko mahantra, mangina!
Raha toa malomaloka izany andro
Mahaiza mipetraka rehefa tsy tiana
Fa ny andro alina tsy misy atoandro.
Miononà ry foko mahantra, miononà!
Raha sendra voaratran'ny tsilon'ny raozy
Sy fanin'ny ngidin'ilay nosotroina
Nanala hetaheta kinanjo dia daozy!
Indrisy ry foko mahantra, indrisy
Fa fompotra izao 'lay "tia" taminao
Vesa-tomany no setrin'ny tsiky
'Zay lasa vita rehetra fafao.
Veloma ry foko mahantra, veloma
Ilaozy ny tiana rehefa tsy tia
Tontolo hafa hananam-pinoana
Fa efa manda anao raha ny ety!
--------
Lien:
Catégorie :
Eritreritra mandalo
