Very Fo (Dogme Razafy)

Very aina, very saina izato lanitra izato
Indro haolo sy mangina, osaosa tononkira
Tonom-bavaka no sisa, tonom-bavaka tsy miato
Aiza irony paradisa, nahoana no mamiravira?

Tsy rahona eo, tsy lohataona... fa tsy misy
Tsy haizina eo, tsy posak'andro... fa indrisy
Lanitr'osa, tsisy intsony, tsisy intsony, tsy mitsiky
Lanitr'osa, voninkazo, ka malazo toy ny lisy.

Toy izany koa ny foko sy ny saiko manontolo
Very sampy, nanantena, nefa indry fefik'onja
Malahelo, manirery, toa hiangaran'ny tontolo
Voron-kely tokan-dia, tapak' elatra, voafonja.

15 Oktobra 2022
--------