Tiako ianao kanefa (honenantsoa)

Tiako ianao kanefa
Tsy saiko ambara
Sao an-diso fanantenana
Izay mety vali-teninao

Tiako ianao kanefa
Fantatro aho tsy ahefa
Ireo hangotinao sy
Nofinao tsy voahefa

Tiako ianao kanefa
Tsy afaka miantefa
Ao am-ponao ao ny
Fitiavako manam-pefy

Tiako ianao kanefa
Misy saranga mametra
Sakana tsy mana-petra
Zary tahotra mampilefa


:Honenantsoa
--------