ANY IZY IZAY ! (KIRIAH )

Mbola tsisy niantsa

Hangataka antsa
(Nalaina tao amin'ny vetso.serasera.org)
Any ambadika any ho any,
Misy nosy kely iray
Mitahiry ilay akany
Miampofo tsiaro iray
Nosy kely mahay mitaiza mandrotsirotsy ny fahiny
Babeny foana na aiza na aiza iny fanahatsiarovako iny.

Dia ao ilay nosy mamiko iny
Milanja vesatra tsy zakako
Ilay enta-kely izay navaloko teo anjoro firarazana
Raha iny aho maika handingana ilay tokonam-baravarana,
Raha iny aho tsy nierikerika,
Raha iny aho namikiviky,
Ao ilay nosy mamiko iny tsy lavo loha tsy mikipy,
Mitsinjotsinjo ny hiverenako,
Mikolokolo ilay fitoerako.

Dia ao ilay nosy miantsangory,
Ireo tantaram-pahazazàko,
fony aho redrin-tory ,
nosy kely bakobako.
Fa izy anie ka tsara fo
Fa izy anie ka tena tia
Ao lay nosy mamiko iny
tsy nitomany hanaradia.

Ao lay nosy mamiko iny somebiseby handray vahiny.
Ao ilay nosy mamiko iny...

Nosy mpiambina ny omaliko
reharehan ny vinàniko ((...))

Any mantsy izay .....

ndreeee!!!!! ilay nosy mamiko iny.


KIRIAH
--------
Rohy:
1719 1
Hevitra mandeha
dano ( 05/12/2012 05:06)
tsara b mits
kiriah ( 05/12/2012 20:52)
Melsy e !
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0155