Taratasy ho an i malala (KIRIAH )

ho anao re tiana no anoratako eto indray,
mialatsiny aho raha variana ,tsy namaly hatr' izay,
tsy sanatria aho nanadino ,na nahita olon-kafa,
ny fitiavako fihino ,f efa anao ka tsy ho voafafa.

itantarao vaovao , ilazao zay zava-misy,
ny tontolon ' andronao,tiako ho fantatra mihitsy.
ataovy antsoratra ho vakiko, ataovy antsoratra rahavako,
ataovy antsoratra ry tiko,mangina loatra ilay fitiavako.

ny aty mangina mamanala, tsisy aina manirery,
manembon-dava ry malala, mahatsiaro ho tena very.
fa ianao ilay fitosiàna, any lavitra tsy hita,
sento lava aho farariàna,lasa saina ny amintsika.

mbola ao ve reo mpifosa ?,miandry antsika mba ho lavo,
tandremo ianao sao osaosa, ka reo tsy tia ho faly ,ravo .
toky ihany no omeko,toky mamy tena voadiko ,
ianao ilay nekeko , zay anjara ho an ny hoaviko.

ho faranako ny soratra, vita aloha ny androany,
ny diam-peniko no oroka, hisolo vatana ahy any,
ilay foko toa nisaona,velon-kira indray zao,
veloma kely mbola hihaona, hoy ilay malalanao.


KIRIAH
--------