Zandrikely (Mazavatsinana)
Pas encore lu
(Nalaina tao amin'ny vetso.serasera.org)
Zandrikely...Any ianao zandry tiana,
Any ambadiky ny lasa
Namonjy lay ankany fodiana
Mitsotra lava tsy mitraka.
Any ianao ka nandao
Ty tanänakelintsika,
Mievo-tany maimbo lao
Ka nahatsiaro aho; nitanisa
Ny sarin'endrikao no sisa.
Nitamberina tsy nahy aminao ny fanahy,
Fa nitsingerina androany
Ny niavianao teto an- tany
Ka ontsa fo feno ahiahy.
Soava dia razandry mamy
Misidìna any an-drahona
Na dia tsampako fa vahona,
Ny sentom-bavako tsy lany
Hisioka hoanao any am-pasana
Ka mandria am-piadanana.
Mazavatsinana:15-05-17
--------
Lien:
Fans:
TRRV
Commentaires
niyaridan06
(
13/12/2017 08:10)
tena mahaontsa tokoa saingy atao ahoana fa izay ny fiainana,tsy natao an-dahatra isika fa natao halahatra.TSARA LAY ASA SORATRAO RANAMAKO
TRRV
(
13/12/2017 17:03)
Tantely amam-bahona tokoa ny fiainana.Misaotra anao tamin'ny toraka voninkazo.
