TAMBERIM-PITIA (MPANAZARY)

Ny maraina vao nifoha,
Dia ianao no tao an-doha
Nahatsiaro ny taloha
Ireo fiarahan-tsika roa
Toa lafatra tokoa

Tsy nisy sakantsakana
Na vato iray nanakana
Na onjan-dranon-dakana
Na tohitohy vakana
Na bilokin'ny kankana

Fa nilamina aok'zany
Lavitra tomany
Nifankatia hatrany
Maro mankamamy
Na vizana aza eo ihany

Aiza intsony ireny?
Ity zaho miteny irery
Vetsovetso ombieny

Lasa tamberim-pitia
Tato an-tsaiko aky
Ilay voady hoe doria

Alarobia 08/01/14 ,12ora sy 34minitra
--------