Ventsom-paniriana (RAMANANTSOA Ricardo)
Pas encore lu
(Nalaina tao amin'ny vetso.serasera.org)
VENTSOM-PANIRIANAHo anao ry zazavavy
Izay handinika ny teniko
Miondrika eto sadi avy
Mba hamangy anao ny peniko
Antenaiko ianao fa salama
Amin’izao fotoana izao
Matoa ny ventsoko tsy tana
Fa miantefa any aminao
Efa nataoko ihany no hangina
Tsy hanambara ny ato am-poko
Haneho ilay VENTSOM-PANIRIANA
Indrisy anefa fa nisoko
Koa ankehitriny sombin’aiko
Lazaiko anao ny faniriako
Hampilamina ny saiko
No anantenako anao ho olon-tiana
Izai ary no izy ka diniho
Nefa aza fady mba valio.
RAMANANTSOA RICARDO
--------
Lien:
Commentaires
NyKanto
(
10/11/2004 19:02)
Hita mihintsy ianao fa maika
Ny hahazo valin-teny
Izy koa anefa hono saiky
Hamboraka sy hiventy
Fa ny anao no tonga aloha
Izy sasa-niandry moa
Efa ela ihany no niandrasany
Hizarany aminao ny fitiavany
Ny hahazo valin-teny
Izy koa anefa hono saiky
Hamboraka sy hiventy
Fa ny anao no tonga aloha
Izy sasa-niandry moa
Efa ela ihany no niandrasany
Hizarany aminao ny fitiavany