ANY AN-DAFY (RRAG)
Pas encore lu
(Nalaina tao amin'ny vetso.serasera.org)
ANY AN-DAFYIndrisy fa eto! Eto aho manembona, anao ilavitra any!
Ary dia mbola eto! Eto no misento, mandefa vinany!
Indro misy hafatra, hampitaiko an-taratasy.
Tso-dranom-po, ‘zay sasa-miandry, anao avy any an-dafy.
Mbola manina aho aty, ary tsy miova ny fitia!
Satria tokoa aho tena tia, tena tia, tena tia…
Eny hiandrasako ianao, na tsy ho izao dieny izao!
Noho ny voady izay nataoko, dia ny hitia anao, hitia anao!
Tsarovy aho aty, mitazam-piverenana, am-baravarankely.
Miandry anao hitodi-doha, dia mikiry mijinery!
Mitazatazana, sao mba misy anao, ireo mpadalo.
Manembonembona anao, dia indrao mikalokalo.
Hantenaiko mafy mihitsy, ho isan’ireny koa ianao!
Sao mantsy teto ihany, tsy mba nandao, ary tsy handao!
Nefa, any an-dafy ianao, tsaratsara fiaina!
Asa, raha mba mahare ny foko, velombelona taraina.
Ka raha voarainao, ity taratasy ity.
Dia mba valio haingana, aza asiana sanatria.
Aza asiana fiahorana, aza asiana fahatahorana!
Fa valio raha azo atao, valio dieny izao!
RRAG
11 Jona 2012
--------
Lien:
