FIKASANA… (RRAG)
Pas encore lu
(Nalaina tao amin'ny vetso.serasera.org)
FIKASANA…Efa fantatro fa hisy, oram-baratra hitroatra,
hamoaka indray ny hirifiry, izay tsy tiako hiloaka.
Efa tsapako ihany koa, fa hisy fery tsy hay sitranina,
hikiky hatrany ny aty fo, raha tsy hamono tsy hijanona.
Efa lalako daholo, fa ‘zay ezaka ho ataoko,
dia toy ny afo hisy hamono, raha toa ka sendra nolazaiko.
Efa haiko raha ny latsa, mety ho atoratoraka ahy!
Saingy efa mahazatra, ka tsy mahakivy ny fanahy.
Ka ho fikasàna ihany, izay dingana holalovako,
fa mbola ny omaly hatrany, no handravaka ‘ty rovako.
Toa ho nofy avokoa, izay rehetra iriko hapetraka,
diso kivy raha ny fo, ka injao mivalaketraka.
Fikasàna moa tsy nofy, no mameno ny eritreritra?
Saingy minitra dia efa miofo, toa tsy afaka nivelatra.
Nanamafy ny eza-bitako, na ny fikirizam-poko,
ny omaly aza toa tsy vitako, ka ny anio ahoana koa?
RRAG
14 Martsa 2018
--------
Lien:
