ITY AMBOARA ITY…! (RRAG)
Pas encore lu
(Nalaina tao amin'ny vetso.serasera.org)
ITY AMBOARA ITY…!Tsy andriko ny ora, ny ora hiravàna,
hahitako anao, ry ‘lay tsy manan-tsahala,
tokana am-poko, izay nofinidiko.
Ny andro anio, dia tena isan-tadidiko!
Andro fahatsiarovana, ilay nihaonantsika,
izay nifampitan’ireo, aingam-po ho tafita,
ka nifamatoran’ny, fo roa mba ho iray,
fe ankehitriny, zary ho mandrakizay.
Tsy andriko mihitsy, ny hamihinako anao,
satriko ry tiako, izao dieny izao.
Ianao mantsy no aiko, ivelan’ny aiko,
fehezin’ny foko, toavin’ny saiko.
Ianao ihany koa, no andrin’ny foko,
nitsabo ny feriko, izay nomban-toloko,
nandràtra ahy, foiny ianao tsy fantatro.
Ianao ry tiako, no ilay tena santatro!
Nampahiratra ahy, namoha ahy natory!
Nanala ny foko, tomefin-tsorisory,
hila haningotra, ny aina ao anaty.
Ianao ‘lay rovako, nizàka ny tsy tanty!
Nilanja ny tsy efako, ka mendrika izao,
fanomezan’ny fo, ho hatolotro izao.
Arahako oro-mamy, sy safo malefaka,
dia ‘ty amboara ity, no solon’ny tehaka.
RRAG
09 Aprily 2018
--------
Lien:
