JAJAJAJA… (RRAG)
Pas encore lu
(Nalaina tao amin'ny vetso.serasera.org)
JAJAJAJA…Jajajaja mafy tsy afaka hifandrenesana,
no hika re manarona ny efitr’ilay zaza!
Tabataban-jaza tsy nisy fiambesana,
fa manao ny ataony, no re mivazavaza!
Jajajajan-jaza tsy tony tsy hay tohaina,
no mamaky fo ‘ty Reny reraky ny ady!
Hikahika mafy mankarary saina,
no indro vao maraina, dia renao sahady!
Dia ahoana koa no ahafaham-po mitony,
raha ny ady aza mafy, nefa mbola mikotaba,
tsy hahenoina, izay an-tany intsony,
‘ty tabataba mafy sy jajajajan-jaza?
RRAG
03 Aogositra 2001
Dikan-teny: Jajajaja = Tomany milelalela
--------
Lien:
