JAMBA…! (RRAG)
Pas encore lu
(Nalaina tao amin'ny vetso.serasera.org)
JAMBA…!Jambanao ny foko, ry voninkazo tsy fahita,
fa ‘lay izy saika hiato, hijanon-tsy hitepo,
toa vao nahita anao, dia nanomboka nisento.
Jambanao ny foko, ry voninkazo tsy fahita,
k’injao ny saina no hany sisa, avela hamisavisa,
‘reo ràtram-po nidona, ‘zay toa tsy ho voatanisa.
Ny fahitako anao, no nanamafy ity finoako,
fa tsy ho ela dia hoavy, hanazava ny androm-piainako,
‘lay masoandro mibaliaka, hany afaka hitarainako.
Eh! Jambanao ‘ty foko, ry voninkazo tsy fahita.
RRAG
Ny taona 2008
--------
Lien:
