LASA IZY… (RRAG)
Pas encore lu
(Nalaina tao amin'ny vetso.serasera.org)
LASA IZY…Taona roa no indro vitany,
fa izy lavo amoron-dalana!
Ny iray avy aza tsy voadingany,
nianjera tan-tsampanan-dalana;
‘Lay Antsakely zandrinay!
Lasa tsy niera,
tsy niteny akory.
Nandao ilay fiadanana,
‘zay mbola resi-tory.
Vonton-dranomaso,
nizaka izay natsatso.
Nihinana ny ngidiny,
nilaozanao tsy fidiny,
an-tsedra mahamay!
Nafoinay tan-dranomaso,
‘lay Antsa mpampitony.
Nandao anay tanaty ankaso,
nanao veloma tsy ho eto intsony!
Nandika varavaran-kazo,
namonjy varavaram-bato.
Toy ny felam-bony iray nalazo,
ny fony koa no efa niato!
Efa nalavon’ilay seza,
ilay hany fifikirany.
Efa rendriky ny sedra,
ny habakaba-pisidinany.
Taona roa no injay voalahatra,
niainan’i Antsa teto an-tany!
Andro vitsy no niarahana,
dia nivadika ho tomany;
F’efa lavon’ny adim-piainana,
sy ‘lay sedra tsy azo ialàna!
Voakapokapo-pitarainana,
nazera an-davaka malama;
‘Lay Antsakelinay,
‘zay zaza dia efa lavo!
Tsy nahavita akory,
nananika ny avo,
‘zay handrian’ny fony,
ho fanantenany rahatrizay!
RRAG
01 Nôvambra 2011
--------
Lien:
