MIRANA NY SOA… (RRAG)
Pas encore lu
(Nalaina tao amin'ny vetso.serasera.org)
MIRANA NY SOA…Notinefy tao am-po, irony lasalasam-piainana!
Nohadinoina avokoa, ny hikahikam-panaintainana!
Nihiratra ny andro, toa nisy taratra hazavana.
Ny ankamaroan’ny ando, zary nentina hafanana!
Naka ny toerany, ny masoandron’aina!
Toa tsy nisy fahataperany, ny hakanton’ny maraina!
Mirana ny soa, nihisatra tsy hiala, ny zogan-dranomaso.
Nefa ny tao am-po, tsy nisy nahalala, nanalavitra ankaso!
Mirana ny soa, mazava izao tontolo!
Mirana avokoa, ny voary manontolo!
Lefy ny tomany, nangina koa ny sento!
Ny nofin’ny omaly, no sisasisam-betso!
Ny vony ao baliaka, sariaka vao maraina!
Ilavitra hatsiaka, nisitaka taraina.
Ka mirana ny soa, mifaly ny ao ambony.
Ny foto-dràtram-po, efa tsy eto intsony!
RRAG
12 Janoary 2013
--------
Lien:
