MITOMANY VE? (RRAG)
Pas encore lu
(Nalaina tao amin'ny vetso.serasera.org)
MITOMANY VE?Etsy mitonia, fafao 'ty ranomaso!
Aoka izay ny sento mandatsaka tomany!
Aleo hisetra any, ny fery mpiankaso!
Aiza no tsy ho lefy io, raha mbola eto an-tany!
Firifiry tamin'ireny no efa nisedra fo,
no dia io no mafy, tsy laitra ny hahifika?
Hamakian-tsaina, hankararian-doha,
toy ny vary feno akofa miary irony ritsoka!
Mitomany ve, no hany vahaolana,
takatry ny saina, bodan'hakiviana?
Tsy hazava ho aiza iry taratara-bolana,
rehefa tohofanao, endri-pitsikitsikiana?
Etsy mitonio, dia aza mitomany!
Fafao ny ranomaso, fambara faharesena!
Minoa! Eny, minoa hatrany hatrany!
Fa rehefa tsy azo anio, dia ampitso ny fandresena!
RRAG
19 Mey 2021
--------
Lien:
