NANGINA… (RRAG)

NANGINA…
Manao ahoana ianao,
fa dia nangina ela?
Inona no vaovao,
sa ny lasa no tavela?

Arahaba no indro atolotro,
tsy maty fo aman’aina!
Io no laza ataon’ny molotro,
mifamatotra amin’ny aina.

Manao ahoana ny adidy,
izay hitolomanao mafy?
Aza hadinoina ny misafidy,
tandremo sao safidy ratsy.

Nangina fa tsy heno,
efa noheveriko fa maty!
Kinanjo ianao niseho,
ka nidoboka tsy tanty,
ny foko vao nahita,
nahatazana avy ilavitra,
anao ‘lay niampita,
ilay fiainan’ny fiavotra,
fanavotra ho anao!

Manao ahoana ireo ankizy,
sa variana milalao?
Fa toa mangina izato izy e!
Inona no mahory anao?

Etsy! Etsy hoe mba ambarao,
hitadiavantsika hevitra!
Eo re mba zarao,
sao misy ihany tetika.
hamahana izany.
RRAG
Aprily 2012
--------