NIARITRA... (RRAG)
Pas encore lu
(Nalaina tao amin'ny vetso.serasera.org)
NIARITRA…Ry Neny tiako: “Niaretanao ny mafy,
nitolomanao ny ady, sy ‘reo sedra tena mafy,
nisavily ny fiainana, sy ny tokantranontsika”.
Ry Neny, tsy voavaliko ireny,
tsy ho voatanisako ihany koa,
na dia lazaina ombeny ombeny,
fa mora izany manao soa.
Ka na herim-po an’alin-kisa,
na volabe manapitrisa,
no ataoko takalo, ‘reo zava-tsoa nentinao,
dia diso aho.
Na fahendrena ananako aza,
moa tsy lova avy aminao?
Ny fahafahako milaza,
fa Reniko, eny tena reniko ianao.
Dia raki-po ‘zay isan-dova,
tsy maty am-poko velively,
fitepo tokana tsy miova,
dia tiako ianao, tiako ianao ry Neny.
Ianao ilay niaritra, na dia efa onja aza!
Ianao ilay nahandry, na dia sedrain’ny ady lava!
Tsy iza re ry Neny, fa ianao irery ihany!
Ka na ho levona ny tany,
na ho foana ny anio,
dia hotanako fambara,
‘fay fiaretanao madio,
tsy niandrasanao ‘zay tambiny,
na ‘zay ho sisa ambinambiny.
RRAG
Aprily 2012
--------
Lien:
