NIVOADY TAMIN’NY FASANA… (RRAG)

NIVOADY TAMIN’NY FASANA…
Aloky ny lasa, no hany mbola tanany.
Ranomason-datsa, no no injao lazainy fa fananany.
Foana tan-tsegaondra vitsy, ireo ora nifaliany.
Lavo sy resim-pahafatesana, ilay olona lazainy ho tiany.

Ny dina efa vita, narahim-belirano,
no nanjavona tsy hita, nalevin’ny onjan-drano.
Dia indrao nisasasasa, ny ranomason-tavany,
fa lavon’i Mahajanga, ‘lay sombim-po tan-tratrany!

Ka zary lasam-pasana, irony voady vita,
zary tototany, naleviny tsy ho hita.
Nefa ny tao am-pony, mbola toa tsy lefy,
toa hoe ratsy rafitra, eny ratsy tefy,
ilay fitiavana, zary toa tomany!
Eh….! Ka nitotofan-tany!

Nivoady tamin’ny fasana, fa tsy hitia hafa intsony.
Nivoady tamin’ny fasana, ho anao mandrakizay ny fony,
satria angamba lahatra, tsy azony hodivirana.
Nanoroka ny tany izy, dia injay fa mirana,
sady niteny am-pony hoe: “Ianao tsy hosoloiny!”
RRAG
Aprily 2012
--------