NORAISIKO… (RRAG)
Pas encore lu
(Nalaina tao amin'ny vetso.serasera.org)
NORAISIKO…Noraisin’ireto tanako,
‘ty tanana malefaky ny sasa-lambanao.
K’injay fa nofihiniko,
notanako mafy tsy hiala toy izao.
Indro nosakanako ny taratra hazavana,
mitinarataratra ny safosafo atolotro!
‘Njay koa ‘ty hadalana,
filàna tsy voatohitro!
Soa fa nikorontana ny akoho tandrefan-trano,
ka mba nanaitra ahy.
Marina, raha tsy saika, niditra angano,
noho ‘ty fakam-panahy!
Noraisiko ny lamba,
narakotro ho anao.
Nailikao, angamba,
tsy azoazonao,
fa lamba voroborotra,
tsy mendrika hatafy.
Efa rovidrovitra,
mitondra hatsiaka anaty.
Nojinerenao ny masoko,
naondrikao ny loha.
Fa fantatrao ny ankasoko,
‘zay mandràtra fo.
RRAG
Jolay 2012
--------
Lien:
