NY ANY AMINAO… (RRAG)
Pas encore lu
(Nalaina tao amin'ny vetso.serasera.org)
NY ANY AMINAO…Volamena fa tsy alimo,
na koa varahi-midorehitra.
Tsy miofo rahoviana,
fa hafa mihitsy izato peratra.
‘Lay avy any aminao,
fanomezana tsy foiko.
Tsy nasian-draorao,
ka horaisiko amin’ny foko.
Tiako ianao na dia tsy ambarako,
tsy tanisaiko isan’andro!
Tiako ianao ry ‘lay malalako,
ianao ‘lay tara-masoandro!
Ka ny any aminao,
no iandrasako fambara.
Fa raha ny hakantonao,
dia efa ela aho no tara.
Ny any aminao,
mba hampitao anaty tsiky.
Fa ny foko izao,
efa maika ny hitampify!
Fa miandry izay ho teninao.
RRAG
Martsa 2012
--------
Lien:
