NY FASAN’I DADA NO AKANIN’I NENY… (RRAG)

NY FASAN’I DADA NO AKANIN’I NENY…
Midoboka amponga, mandomando tava, ny lanitra ambony.
Hika mihoga, toy ny ranomason-jaza, arahim-po tsy tony.
No mameno ny ala, no manarona tontolo, arahin-javona matevina.
Ny fasan’i Dada, no akanin’i Neny, any izy ireo, no milevina.

Misioka fisaonana, ny voro-manidina, mandrakotra lanitra.
Fa ny ambohipihaonana, ‘zay mba hirina, dia ny any an-danitra.
Saingy tsy fantatra, tsy ho takatry ny saina, izay ambadika any.
Ny fasan’i Dada, ‘zay akanin’i Neny, no hany hita eto an-tany.
RRAG
15 Jolay 2014
--------