NY FIFALIAKO INDRINDRA! (RRAG)
Pas encore lu
(Nalaina tao amin'ny vetso.serasera.org)
NY FIFALIAKO INDRINDRA!Ny fifaliako indrindra,
dia ‘lay miaraka aminao,
ny eo anilanao.
Tsy tiako hafindra,
amin’olon-kafa,
izay ankoatra anao!
Ny hasambaram-poko,
mamelombelona ahy,
dia ny fisianao.
Ilavitra toloko,
ilavitra ahiahy,
ny foko akaikinao!
Ny fifaliako indrindra,
tiako mba zaraina,
dia ny nitia anao.
Fitia tsy azo hafindra,
fa tsara zaridaina,
ao am-poko ao!
Ka ny fifaliako indrindra,
tsy ny hoe: “Eo anilanao”.
Fa raha azoko harindra,
dia ‘lay mba ho tianao!
RRAG
Alakamisy 26 Septambra 2013
--------
Lien:
