NY ILAN-KAPAKO… (RRAG)
Pas encore lu
(Nalaina tao amin'ny vetso.serasera.org)
NY ILAN-KAPAKO…Foiny isika teny an’ala,
‘lay ianao nandray ny tanako,
no tsaroako niala,
noho ny hovitry ny tratrako,
ilay ilan-kapa,
vao novidiko omaly.
Tsaroako tamin’iny,
ianao ilay nikiry,
hanoroka ny molotro,
nefa, nihovitra ny tongotro.
Ary hadino teo,
ilay kapako vaovao!
Ilay ilan-kapako iny,
no tsiaro ilay fahiny,
nampifamatotra antsika,
tan-tolon’ady mangatsiaka!
Ka ‘lay ilan-kapako iny,
no nahafantarako fitia,
mpitoetra tsy vahiny,
voafonja am-po mirojo vy.
RRAG
Jolay 2012
--------
Lien:
