NY VOLON’AKOHOKO… (RRAG)
Pas encore lu
(Nalaina tao amin'ny vetso.serasera.org)
NY VOLON’AKOHOKO…Indray nisafo ny ivom-pejy, tao anaty aingam-po,
toa fitaovam-boatendry, hamakiana ny atim-po,
handraketana ho amboara, ho tahirin-dasa,
handrafetana ho tantara, hitsarovana ny kasa.
Naman-tsy mahafoy, mifamatotra amin-tena,
mifaningoningotr’aina, mifampizara alahelo,
tsarovy, fa izy koa no fandresena,
nandresy ny taraina, tanaty kalom-betso.
Ny volon’akohoko, penina hany namboariko,
rafitry ny tanako, hanoratako ‘reo ainga,
isan-java-bitako, singa iray mba hoe voajariko,
ilay tena namako, nanakana ahy tsy handainga,
fa hilaza ny marina, nafenin’ny atin’ity foko,
ny volon’akohoko ny ahy, toa tsy hosoloiko.
RRAG
01 Aogositra 2005
--------
Lien:
