ORAM-PITIAVANA… (RRAG)
Pas encore lu
(Nalaina tao amin'ny vetso.serasera.org)
ORAM-PITIAVANA…Nijojo ny orana, nilatsa-tsy tana,
kotsa ianao, ka nanomboka nihovitra.
Nantsoiko hialoka, hizaha hafanana,
natahotra ianao, dia somary nangovitra.
Aza manahy hoy aho, tsaroako ireny,
nanatona ianao, dia tsy niteny.
Tsy nahajery akory, ny hafalian-tan-tavako,
fa dia feo fotsiny, no renao tao am-bavako.
Narehitro ny afo, nomeko lamba ianao!
Nandà ny tsy hitafy, noho ny tahotrao.
Nefa resiko lahatra, ka dia tsy niahotra!
Teo ianao, nanomboka tsy natahotra.
Noraisinao ny lamba, dia notafianao!
Nijery ahy ianao, ka nanomboka nitsiky!
Asa a! Nihevitra angamba, fa mety tsy hisy!
Tsy hisy intsony, fotoana toy izao.
Nanoka-bava ianao, k’indrao nanontany ahy,
hoe: “Iza moa no anaranao, ry ‘lay tovolahy?”
Nambarako anao, tsy nihafahafa.
Teo isika no, nanomboka ho tsara tafa.
Tsy maty am-poko, iny andro iny!
‘Lay nandalovanao, ‘zay mpivahiny,
tan’efitry ny foko, tsy mbola nanan-tompo.
Ka isika ankehitriny, zary tafara-droa!
Ilay oram-pitiavana, nanosika anao,
hivahiny tao amiko, tamin’iny andro iny!
No oram-pitiavana, nampiray ahy sy ianao,
Ka zary tompon-toerana, fa tsy mpivahiny.
RRAG
11 Jona 2012
--------
Lien:
