RAHA JAMBA IHANY… (RRAG)

RAHA JAMBA IHANY…
Nifikitra aho fa tsy nahatana,
ny lalako aza ity malama.
Toa sakantsaka-mpankahala,
sy todim-baratr’hadalana!
Raha jamba ihany aho,
nahoana no aminao?

Raha moana ihany,
nahoana aho no tsy hiteny?
Nahoana ianao no tsy hijery,
ahy etoa-mitomany?
Mipararetra manontany,
‘zay misy anao!
Sa kosa efa tena lao,
ka efa vonona ny handao?

Raha jamba ihany,
nahoana koa no mbola tazako,
ny akanin’ny fitiavako?
Izay mbola toto-drano,
nototofan-dranomaso,
izay nazeran’ny ankaso.

Nahoana no mbola hitako,
ireo lasa efa vitako?
Saronam-panenenana,
k’injao fa reko mitamberina.

Raha moana ihany aho,
nahoana kosa anefa,
no tsy maintsy hitalaho?
Hiangavy amin’ny setra,
ny mba hanasiany fetra…
Ny adim-piainako!
RRAG
11 Jona 2012
--------