RAOZY… (RRAG)
Pas encore lu
(Nalaina tao amin'ny vetso.serasera.org)
RAOZY…Samy tarana-boary ihany,
nefa meva sy sariaka,
ilay firavaky ny tany,
tefim-bolamena vita.
Tokam-po mahay mihaino,
mahandry hatrany ny hafa.
Ny fiainany mba hisaintsaino,
atao fitaratra fitafa.
Raozy! Mamela-manga manjopika.
Felana! Manangasanga tsara bika.
Tsy asiana zezika intsony,
fa efa lavi-donilony.
Raozy! Maitso ravina fivelatra,
tsy mba tia mikopak’elatra!
Toa mahandry hatrany ny andro,
na efa hody ny masoandro.
Raozy! Meva endrika ohatr’izany,
fahavalon’ny tomany!
Mahay milefitra amin’ny ‘ngeza,
tsy mba miseho azy ho deba.
Manana ny anjara toerany,
ny fanjakana fanaperany.
Izay ny fo mifankatia,
sy ireo manaiky miara-dia.
RRAG
11 Jona 2012
--------
Lien:
