SOA NIRINA… (RRAG)
Pas encore lu
(Nalaina tao amin'ny vetso.serasera.org)
SOA NIRINA…Mba satriko lahy, ny hiaina finaritra.
Ny haka ny tsiro, entin’ny tany.
Ny aiko anefa, mety tsy haharitra.
Fa toa manakaiky, ny faran’ny tany.
Mba niriko koa, no mpamafa ny sento.
Saingy ny ahy, vesatra amiko.
Dia ny hany ataoko, dia ny mivetso.
Mamafa mora, ny ranomason-tomaniko.
Mba tiako ry aina, ny hitia amin’ny foko.
Tsy misy takalony, na vidiny akory.
Nefa ny saiko, toa mitoloko,
manahy ny ho vokany, ka tsy hahita tory.
Soa nirina, saingy toa nofy.
Fanantenana, no hirindran’ny tosy.
Nefa ny fetra, tsy misy mahalala.
Tsy misy mahafantatra, ny faran-tantara.
Soa nirina, isam-panatenana.
Nitondra hatsiaka, fa tsy mba hafanana.
Nampibabin’ny aina, ràtra tsy zaka.
Aleo indray miaina, amin’irony an’ny lasa.
RRAG
14 Janoary 2013
--------
Lien:
