TSAKOTAM-PARY...! (RRAG)
Pas encore lu
(Nalaina tao amin'ny vetso.serasera.org)
TSAKOTAM-PARY...!Niserana nandalo, toy ny rivotra nifofo,
tsy hita atao ahoana, sendra fitia miofo,
fitia lany mamy, maina ka nihintsana.
Mbola tsy lasa lavitra, dia efa injay voafingana!
Nazeran-tsotasota, nalavon'ny mpiankaso,
noràtrain'ny tiana, ka sendra izay natsatso.
Novadian-toky, nesoina fa hoe bado.
Fo iray tena tia, nefa niniana nalavo!
Zary tsakotam-pary, nailika fa lany.
Tsisy mamy intsony, dia natsipy tamin'ny tany.
Nailiny e! Lany fỳ ka efa natsatso.
Ankehitriny toa, efa nasolo ranomaso!
RRAG
11 Nôvambra 2017
--------
Lien:
