TSY NIHOMANA... (RRAG)
Pas encore lu
(Nalaina tao amin'ny vetso.serasera.org)
TSY NIHOMANA...Ankodimiran'ny fanantenana
misy maso mikipy tsy hihiratra intsony!
Ivohon'ny endri-tsy fahalalana
ny fanararaotana no nitsiry namony!
Any am-pasa-mangina tsy misy mpandre
mitoetra tsy satry ny vata-nolavoana!
Nosetrasetraina im-be dia be
nolefonina ivoho dia injay novonoina!
Misangy mafy ny fiainam-boalahatra
misosasosa ao daholo ny tsilo maranitra!
Toa mangirifiry tsy mety mitsahatra,
ny alahelo mivoly am-po 'zay mahantra!
Indrisy! Voafetra ny aina
sy ny andro hahavelomana!
Kanefa akory! Ny saina
mbola tsy nihomana!
RRAG
15 Desambra 2021
--------
Lien:
