VOVOKA NY FITIAVANA…. (RRAG)
Pas encore lu
(Nalaina tao amin'ny vetso.serasera.org)
VOVOKA NY FITIAVANA….Rivotra kely, nitsoka nandalo,
dia nampisidina, ilay fitia.
Vahiny nisioka, nivetso nikalo,
no lasa narahan’ilay nilaza ho tia.
Vovoka mora manidina marina,
mahaditsoka maso, mandràtra ny manina,
aloka tsy hita, anatin’ny alina,
ny fitia zava-poana, toa sangodim-panina.
Vovoka angamba, izato fitiavana,
lemana rano, vao re mba mitambatra,
nefa indrisy, fa zary honahona,
mahatonga ny fo, hangina ho moana.
Tsy hiteny intsony, na dia hoterena,
hihafy hatrany, raha sendra hianjera,
ka hitahiry, ‘lay hiram-pihaonana,
mba ho hiram-po, ho hiram-pisaonana.
RRAG
21 Jona 2012
--------
Lien:
