Ilay sary (SANDRATRA)

Ilay sarinao irery
no hany mba fijery
ary koa mampahery
rehefa irery

Alahelo sy tomany
no mibahana ato an-tsaiko
tsy mankaiza anefa izany
fa efa nozakaiko

Dia ilay sary tokoa mantsy sisa
no entina mamisavisa
ilay fiarahan-tsika roa
e! fahatsiarovana sisa ireo taloha

any tokoa any,any lavitra
tsy eto akaiky mba ho fihinina
ka raha sendra mahatsiahy
dia ilay sary no banjinina
--------