Alina (Vanjanofy)
Pas encore lu
(Nalaina tao amin'ny vetso.serasera.org)
Alina !avy indray ianao
mitondra vetsovetso
anaty foko ao !
………………………..
Indro ny elatrao
manainga ny fanahiko
ho any ananona any…
misandratra tsy nahiko
ho an-koatrahoatry ny any
ny nofoko oriory !
Ny saiko tsy mitony
fa ohatran’ny efa irony
an-dafy am-pita irony
‘reo ladin-kasambarako
fongarinao tsy hitony !
Alina ô !
Ry ali-mampanjombona
ny harivam-betsovetsoko !
Tsy ekeko nefa teliko
ny setranao misompatra ny torimasokeliko
Antsefantsefan-kalina… !
Mitory zava-dalina !
--------
Lien:
Catégorie :
Aingam-panahy
