Voady (Pharaon)

Ny voady izay natao
tsy voady amin'ny vava
fotsiny ihany fa mbola miaina ao
am-po sanatria ny ho rava

Voady tsy noterena
no nataontsika roa
voady volamena
ka voatahiry ao am-po

Voady marim-pototra
tsy ho ravan'ny taona mifanesy
fitiavana niaraha-nanolotra
dia izaho sy ianao no mpandresy

Voady teo anatrehan'Andriamanitra
teo imason'izao tontolo izao
handray ny tso-drano avy any andanitra
ity fitiavantsika vaovao
--------