Mpamaky mpankafy (andriary)

fankasitrahana an'i AUGSONV sy ny namana mpankafy, mpanoratra , mpamaky rehetra na an-dafy na eto an-toerana tsy an-kanavaka...)

Ianao mankafy ny tonokalo nosoratany
Ianao tia ery, ny angolany sy hantany,
Ianao mankamamy, ny redirediny mandalo
Dia ho anao tokotokoa, ny hiantsany tonokalo!

Ianao mpamakivaky, ny tonokalo nosoratany
Ianao mankasitraka, nefa olona tsy fantany
Ianao niombon-kevitra , amin'ny sombin'asa sorany
Dia ny toa anao izao...no tantara ifotorany

Agamba,

Ny hafaliana tany anatiny, no tany anatinao koa
Ny tantara nolazainy, no tantaranao taloha
Ny alahelony nanonja , vinakinao tanaty soratra
No nitaratra nivantana , lay tsy sahinao amboraka!
.....
andriary!
--------