FITIAVANA (Fano)

Hisalorako ny lamba
Hisampinako hoatra izao
Tsy avelako ho angamba
Fa Malagasy isika izao

Ilay Gasikara tena tsara
Dia ireo foko Malagasy
Ambarako eto fa tsy adala
Ireo vahoaka Malagasy

Nitaky izato fahafahana
Menalamba,Sadiavahy
Tsy namela raha tsy nanana
Ilay fahaleovantena indray

Namoizana aina maro
Nanao sorona ny tenany
Ireo Maritiora tsy nilavo
Na dia mafy no niaretany

Fitiavan-Tanindrazana
Hanarenana ny ho avy
Ny hery ihany no hifaharana
Hamohana vavahady

Efa afaka izy izao
Ka izao no mba hevero
Izay ho lazaiko anao
Efa avotra izy izao, maintso toy ny alam-bero

Koa aza avelanao ho foana
Na ho tototry ny atsanga
Ireo ran'ny Malagasy
Izay nalatsaka hanafaka

Mitomany ireo fanahy
Dia ny feon'ny fisainany
Fa isika Malagasy indray
No manary ny fananany

Nokahon'ny riaka va ilay fihavanana?
Dia lasan'ny rivotra koa ny fitiavana
Latsaka an-kady ilay firaisankiana
Tandrovy izy ireo fa aza varimbariana!!.
*01110416A1E
--------