ILAY (mlanto)

ILAY!!!

Ilay endrikao sarika
Manasitrana ny feriko
Satria toy ny masoandro mibaliaka
Mampatanjaka ny heriko

Ilay fitsikinao kely
Mamelovelo ny ao am-po
Satria tiana bajinina tsy an-tery
Mba hiraikitra ao an-doha

Ilay fijerinao mangalatra
Mampite-hanatona izany
Toy ny jiro mitaratra
Misy pilina tsy lany

Ilay fiteninao toa tsotra
Mampagoratra ny ati-fo
Sady mampahery ny fitia izay miha-vosa
Izay efa saika ho lo..

Ilay fijerinao toa kanto
Maha babo tsotr’ izao
Sady mampitony no mampilanto
Ny fomba amam-panao

Ilay fiteninao toa tsotra
Mampangoraka ny ati-fo
Sady mampahery ny fitia izay miha-vosa
Izay efa saika ho lo…

mlanto R.M
--------