GAÔGNAN'ANTSIHANAKA (MPANAZARY)

GAÔGNAN'ANTSIHANAKA

Ilay gaôgnan'Antsihanaka lazaina mpanao ôdy
No lasa mpanasitrana nahitana fanafody
Ôdy gasy avy amin'ilay hoe: mpanazary
No nitsaboana olona, nahasitrana marary


Misy aza moa no sahy milaza mihitsy
Fa ny gaôgnan'Antsihanaka mamely tsy mitsitsy
Na ambalavelona, fanainga lavitra sy ôdy fitia
Fa ny fitiavana ve azo terena sanatria?


Ka asakasakao izay manenjika ny gaôgna
Manaratsy, manaraby fa izy eny faona
Tsy andro no isaina fa volana aman-taona


Fa isika rehetra kosa antenaiko tsy ho valaka
Hanadihady lalina, handinika malalaka
Izay no ambarako amin'ilay gaôgnan'Antsihanaka
--------