RAHOVIANA NO HIPOSAKA? (MPANAZARY)

Manjombon-dava ny andronao ry Gasy
Saroman-drahona ka mangasihasy
Jereo ity ianao fa maloka,mangina
Indrisy!indrisy! vesaram-pahoriana?

Tomany anao ny foko ry taniko
Ka iza no hijoro ho fahavaloko?
Tsy iza fa ianao zay mampahory
Ry fahantrana tsy mampahita tory

Rahoviana no hiposahanao ry masoandroko?
Ka ahitako ny hazavana ho an'ity taniko?
Anio ve sa ampitso? sa kosa mbola ho ela?
Na rahoviana na rahoviana dia izaho manantena

Indray andro any ,izaho tsy hitomany
Indray andro any ,mbola ho tonga'lay mamy
Izay andrandrainao ry tanindrazana tsy foiko
Ka ianao tsy handohalika , Izaho tsy hitoloko

Rahoviana no hiposaka?
Mbola ho avy ilay maraina
--------