INJANY... (Joda Razakasoa)
Mbola tsisy niantsa
(Nalaina tao amin'ny vetso.serasera.org)
INJANY...Injany mipololoitra moramora
any anatiko any,
ny tsiaro indray ny fahiny.
Ireo tontolo feno angola
manjary voaravaka tomany,
nohon'ny zava-misy ankehitriny!
oh! ny ririnina mamirifiry
no mampangitaka ny any anatiko
sy mampangina ny voahary,
impiry? impiry voatahiry?
tanatin'ny diarin'ny taniko
ny hoe gasikara tsy mijaly!
fa ambetin-dresaka mazàna
ny hoe tany an-dalam-pandrosoana
izato gasikara iainanao,
fa tany tsy tan-dàlana
ka mahatonga fahamamoana!
ny fahantrana toy izao,
~JODA RAZAKASOA~
--------
Rohy:
